ما خفيته بقلبك ينقرا في عيونك

ما خفيته بقلبك ينقرا في عيونك

لا تحاول تخبي لوعتك في سلامك

أنت منت طبعي مات بالورد لونك

تبتسم لي وحزنك ينعرف من كلامك

كل شي فيك ينطق حتى ثورة شجونك

زادها الشوق غيره وانكشف لي مرامك

وين شوق التلاقي وين لحظة جنونك

وين ورد تفتح من رياض ابتسامك

وين قلبك وفكرك وين سارح بكونك

كل شي فيك يدعوا للتعجب علامك

ليت يا نور عيني ما تصدق ضنونك

في عشير تهمه راحتك وانسجامك

في عشير شئونه يا حياتي شئونك

عاش منك ولجلك وافي بالتزامه

كيف أنساك واقدر يا حياتي أخونك

وأنت بالقلب واحد مالك مني غرامك



تعتقد لو جفيتك اقدر أعيش دونك

وأنت نبضي وحسي خاطري مستهامك

اطلب الله ربي يحفظك لي يصونك

واعرف انك بقلبي مالي غيرك مقامك
   

  تسلمي ع الشعر


   الصراحه اشعارك  حلوووووووه مررررره نتقبل المزيد